我肯

一年又一年今年嚟到第八年Rap Up 一年一度嘅Rap Up當然唔會消失 一年一次我會用rap去總結過去365日 事不宜遲睇下今年我又會rap乜_ 房祖名坐完監希望你重新做人 不可一不可再唔好再掂毒品 一年就讀完工商管理學士話都無咁易 港姐蔡思貝已經係最佳例子 陳海琪HMV開張做司儀發酒癲 可能佢嬲HMV唔幫佢出唱片 大閱兵有藝人話睇到感動流淚 咁感動點解唔 加入解放軍為國捐軀 梅艷芳連內衣褲都被人網上拍賣 未見過有遺產管理人係咁曲街 陳凈心斷人依食猶如殺人父母 微博督灰打爛Ellen林夕飯碗遲早有惡報 吳綺莉酗酒涉嫌虐女被捕 單親媽媽其實真係唔易做 吳鎮宇個仔拍內地節目受傷 搞到佢掟咪插電視台未跟進賠償 十優狀元都選港姐真係諗唔明 話曬劍橋法律系畢業唔通係貪慕虛名 師兄話食客隻手污糟結果捱轟 其實佢真人係幾好人應該唔係有心 俞琤辭職冇再做商台副主席 唔知之後邊個會接任成為新主力 江華五張嘢無做幕前轉做保險 被佢狠評娃娃舜十幾年後仍然係舞台表演 _因為屋企收藏高踭鞋有過千對 流行首爾杜如風被封為世界級港女 方東昇新聞報導式搞gag個個笑騎騎 除咗周星馳 方東昇都升level做「昇爺」 人哋明星玩17直播個個幾千人睇 點解我開咗成晚都無乜觀眾入嚟 既然900蚊拍MV都搏到過百萬人氣 Rap Up MV用咗500蚊應該有幾廿萬hit rate MasterCard代言揾咗唯唯唔揾MastaMic 相信因為在下唔夠唯唯咁似擦鞋仔 你話每個男人心入面都有個黃翠如咁浪漫 但我肯定而家每個男人心入面淨係想做蕭正楠 阿BOB飲醉上台同政協陳小春搶咪 吓夠薑辣著山雞唔通無睇過古惑仔 50歳美魔女羅霖出寫真仲要加印 話唔定我阿媽都可以出嚟行性感 美心妹妹本寫真內容充滿不良意識 唔知以為呢本寫真集係出比啲戀童癖 你話拖住手揸車都幾高難度 等城城示範一手揸車一隻手拖住上海模 吳業坤靜靜雞偷食好西 靠偽毒冧掂龔嘉欣小心得罪高登仔 如果阿叻真係叻到Facebook由佢創辦 咁佢當年點會一舗就蝕咗幾千萬 而家開始典解解點解打耳解得意 想知點解要咁解你要問番我最愛嘅Jinny 財經小花林芷彤摩打口17秒讀完158字嘅免責聲明 好彩我都成功挑戰15秒讀完證明我MastaMic個朵唔係浪得虛名 四哥怒摑曾江錯手將胡楓眼鏡打竵 Joe Junior堅持揸咪化身做戰地記者 李克勤個喼痴滿bar code label 可能佢當咗自己嘅行李係貼紙簿 Juno一首羅生門係樂壇一舖翻身 由幕後紅到幕前真係紅歌又紅人 _如果形容阿姐唱經過那些年夠洗腦 咁形容李逸朗唱傻女應該夠恐怖 阿Gem被稱為中國Taylor Swift 咁叻 咁佢應該小心我呢個大中華區Kanye West 巫啟賢梗係認唔到李克勤 因為蒙住面唱歌佢認錯以為係龍小菌 家強同CY台上合唱完再影相 原來一早已經有人有背棄了理想 成套鴨王無人想知邊個導演 大家只係期待一個場面就係袁嘉敏露兩點 五個小孩的校長票房收幾千萬咁爆 電影公司有無捐番多少俾間學校 阿Sa係雛妓套戲演技大昇華 其實我好羨慕男主角任達華 今年金馬獎香港演員有斬獲 林嘉欣同白只分別攞最佳女主角同男配角 放學ICU唔經唔覺做咗十年 陪伴好多小朋友渡過歡樂嘅童年 今年視帝毫無疑問係秋生 不過視后俾胡定欣搞到阿姐無得華麗轉身 仲要直播頒獎禮齊齊食雞咁過癮 植入式廣告你都唔好搞到咁特登 亞視一拖再拖員工嘅薪金 咁都夠膽自稱做亞洲良心 最後續牌失敗終於壽終正寢 邱德根知道死咗都隨時激到彈起身 李思捷個talk show叫今晚睇你 成個節目左抄右抄應該叫今晚抄你 大時代重播個個都狂讚劉松仁 最正梗係當年純情女神周慧敏 武媚娘傳奇最傳奇唔係佢一統後官 係原來唐朝後官啲女人流行著低胸 以為大台咁開通接受另類創作 點知原來係拎啲Youtuber出嚟娛樂 恭喜王菀之胡杏兒賈曉晨林夏媺 祝福你哋有情人終成眷屬白髪齊眉 女神蔣雅文元旦公布已婚老公台灣人 呢個消息傷透天下所以高登仔嘅心 聽聞王祖男娶李亞男有好多贊助 咁加埋啲禮金今次結婚咪賺好多 梁政珏老公間餐廳叫北海道牧場 _所以佢同梁政珏 結婚呢個結果實屬正常 安志杰突然戀上Jesccia C 我認我淨係想知個警鐘size係數C定D Kary下嫁網球王子Miki嫁俾永安太子 相信大家最期待Stephy同万刀甲嘅婚事 黃曉明Angelababy擺200圍世紀婚宴 淨係敬酒環節隨時敬到零晨三點 當有人唱叮噹可否不要老 但可惜林保全已經唔再喺度 多謝一班綠葉演員一生對演戲嘅堅持 招石文 孫季卿 鄺佐輝 何家駒 rest in peace 47歲謝天華終於生咗仔做爸爸 呢舖仲唔係謝天謝地謝天華 陳茵媺三年抱三宣布有咗 唔通咖啡真係對壯陽有幫助 吳浩康被爆疑似偷食 Sherman咁正點解咁都唔識珍惜 Mandy同洗米嫂為男人明爭暗鬥 打個邊_爐之後再嚟個_世紀拖手 原來勝_利女神_企係Mandy身後 終於正印洗米嫂都要忍痛_分手 既然阿Sa同的士陳都分開咗 如果你鍾意細過自己不妨考慮吓我 張文采終於狠撇羅均滿 女方一早就應該去另覓新歡 EO2 Eddie同長腿索女宿一宵 搞到同朱慧敏婚事中途撻Q 賣寬頻賣到要跪曬係地 做男_人應該要有番啲骨氣 個女仔係花園街踢個男仔七腳 原來女仔外號叫鬼腳七難怪腳法超卓 頭搖撞蛤蚧真麒麟怪 師傅揈住頭跣胎撞到葉劉大嗌 舊年一睇以為成條街有好多哪吒 其實佢哋只不過係平衡車嘅玩家 全球迪士尼樂園禁止使用自拍神棍 我諗最受影響嘅都係強國人 膠袋徵費每次最少要比五毫 用少啲膠袋慳返五豪掟死大陸五毛 又唔見台灣人食洪瑞真三文治中毒 有常識都知咁樣偷運三文治唔變臭都變叔 如果薛國強真係行路快過電車異於常人 佢應該代表香港去參加下屆奧運 Eminleo身兼網絡紅人同深圳政協 睇吓以後邊個夠膽講成日上網係不務正業 工展會市民變做Running Man極速狂奔 為搶平貨慳幾蚊就算仆親都甘心 宏利想用＄500整三條太空宣傳片 下次不如叫人用＄500拍套星球大戰 南韓中東呼吸中級綜合中出呼吸綜合症 我估應該係最橋口摻手嘅醫學名稱 呢排好多少女個個都變得好好色 因為佢哋爭住買本秘密花園填顔色 iPhone 6s神話破滅玩死炒家 咁都好起碼真用家唔使再食炒價 外國偷情網站香港公務員登記咗都有好多位 其中我最驚訝 係有無綫新聞部 總監袁志偉 匯豐推出＄150 周年紀念鈔 個個爭住搶轉頭咪又爭住係攞去炒 其實好多香港人天生貪小便宜 為咗杯Godiva雪糕寧願排幾個小時 IKEA深夜減價個個搏命衝 七千人凌晨塞爆成個東九龍交通 劉鳴煒話睇_少啲電影就可以買樓 依家個樓價就算一世唔睇戲最多夠買個門口 香港嘅醫療事故越來越荒唐 今日唔係切錯肺 就係聽日換錯肝 我唔想知長實同和黃係咪合併重組 反正李嘉誠永遠都係香港Number 1富豪 肌肉萎縮症嘅周佩珊DSE考21分 靠兩隻手指苦讀成功全憑意志力驚人 一見到佳佳甜品得到米之蓮推薦 無情嘅業主馬上加租不留情面 劉永生中學唔俾學生私下約同學遊玩 唔知以為班學生坐緊監要比人監管 嶺大副校長大學畢業論文涉嫌抄襲 嶺大校董成立嘅博士工廠亦被揭發 港鐵唔俾乘客攜帶大型樂器 但係偏偏比水貨客帶大件行李 香港玩音樂嘅地位係幾咁卑微 好彩我係rapper靠把嘴唔使玩樂器 一個電話比人呃幾千萬慘不忍睹 打嚟話係內地官員唔入錢就會俾人起訴 唔係身有屎又點會咁易俾人呃到 有冇犯過法自己又點會唔知道 港鐵同中華煤氣不停加價榨乾市民 永遠最追唔上通脹嘅薪金令我哋百上加斤 搞創新及科技局但又要打擊Uber 咁樣都叫支持科技真係自打咀巴 一輛九巴喺黃大仙龍翔道起火 希望唔係因為九巴用咗國產貨 那夜凌晨我坐上了癱瘓旺角的紅Van Van仔一直佔領通菜街警方從來冇出聲 世衛計劃將香腸煙肉列為一級致癌物 就嚟係呢個世界我哋冇嘢再食得 大埔定慧寺 女主持釋智定 被揭發假結婚原來假尼姑六根未淨 襲擊黃絲嘅維園亞伯藉口太離奇 佢居然夠膽話係對方條頸自己撞埋嚟 張潤衡到台灣探望粉塵爆炸傷者受到非議 網上盛傳當年八仙嶺山火由佢掉煙頭所致 DSC德爾斯老闆突然執笠走人 最慘應該係馬國明冇得再做代言人 Bossini創辦人孫女被人標參 我係綁匪就唔要現金梗係要bossini股份 廉署用咗三年完成調查曾蔭權 佢係香港史上被 起訴嘅最高級官員 蔣麗芸癡線論惹起醫生病人公憤 講真講癡線冇人癡線得過蔣麗芸 法國查理周報諷刺時弊 換嚟冷血血洗 香港嘅言論自由都開始變得 岌岌可危 巴黎恐襲香港Facebook頭像換曬法國國旗 真心為別人加油定順應潮流要問返你 瓦努瓦圖遇風災吹毀首都 咁景鴻移民咪要拍過新一輯廣告 恭喜獲得奧斯卡最佳電影歌曲rappe Common 多謝你係致辭入面勉勵港人 美國裁定同性婚姻係符合憲法 唔知香港幾時先會為同性婚姻立法 NASA宣布佢哋搵到地球2.0 或者係一次重生嘅機會比我哋延續生命 曼谷四面佛發生炸彈襲擊 為兩名香港少女被炸死感到惋惜 天津發生化工大爆炸場面恐怖 爆炸時嘅蘑菇雲起碼有20層樓高 如果歐洲唔想再收容更多難民 應該齊心協力停止一切戰爭 一代球王胡國雄與世長辭 佢嘅名字喺香港足球上會名留青史 新聞王子鄧景輝跳樓身亡 希望大家遇到困難要相信希望 民主先鋒杜葉錫恩102歲仙遊 可能上天保佑好人所以佢咁長壽 新加坡之父李光耀病逝去咗天家 成千上萬嘅新加坡市民排隊獻花 粵劇紅伶林家聲不幸過身 你為粵劇奉獻一生我哋會銘記于心 般咸道石牆嘅百年古樹漏夜被斬 路政署決定草率正宗殺樹唔眨眼 老冰室 新香冰廳餅店忍痛結業 陪伴石蔭邨40年正式同街坊告別 中環鏞記酒家清盤案差啲將招牌打爛 我依家終於明白咩叫創業難守業更難 政府回收深水埗 俗稱「棚仔」嘅賣布市場 呢度陪伴好多本土時裝設計師成長 九龍城合成土多同大家講再見 經營59年見證住九龍城轉變 荔園最吸引梗係經典遊戲 可惜今次回歸啲遊戲貴到飛起 金雀餐廳屹立銅鑼灣半個世紀 可惜未走到到2046就已經結尾 城市論壇冇咗主持謝志峰 就好似輕輕鬆鬆冇咗鄧梓峰 創辦20年嘅八卦雜誌忽然一周 今年突然停刊變做忽然一收 成報係香港最歷史悠久嘅中文報紙 被申請清盤建制派爭少左一份支持 有人對新報停刊覺得好感慨 我哋告別嘅唔係一份報紙係一個時代 馬雲買起過百年歷史嘅南華早報 咁南早以後咪會變做紅早 兩場_港中大戰0:0守到最後 _俾大家見識到香港有層次嘅足球 有人話光復運動示威者太過分 偏偏咁先逼使政府同中央商討收緊自由行 自從自由行少咗來香港 終於唔再係一街都係金舖藥房 係香港逾期居留九年嘅懷仔 搵陳婉嫻諗計最終自願遣返無得留低 港大城大理工浸大決定退出學聯 學聯名存實亡隨時流失更多成員 區議會選舉見證政治新世代嘅_掘起 先有葛佩凡收皮 再嚟鍾樹根連根拔起 消防署今年有兩單集體欺凌醜聞 一單係維他菊花茶一單係消防員手淫性侵 警方嘅Facebook專頁有個 20人嘅 管理團隊 佢哋嘅職責係將所有唔啱聽嘅留言刪除 Google指警方曾要求刪除對佢哋不利嘅短片 好彩Google冇刪除堅守自己嘅底線 如果胸部都可以襲警咁神奇 其實好多靚模都攜帶大殺傷力武器 一名CID喺警署向一女疑犯搜身 最後摸胸非禮又話警察保護市民 為咗破案警察可以去到幾盡 不惜屈個無辜智障男事件荒謬絕倫 睇中受害人嘅弱點係反應稍稍遲鈍 無恥到用誘導嘅方式作出審訊 朱經緯追打市民事件發生咗成年 人哋退休攞埋長糧都未有任何進展 光明磊落七警幾時先會被人告 搞咗一年終於被正式落案起訴 不過同日曾建超被預約拘捕 _竟然係戚秦氏翻版_原告可以變成被告 特首話䕶老院虐老關土_地問題事 咁佛光街對情侶係咪土地問題最佳例子 如果你問我有啲咩係最代表香港 我會答觀塘間租二千床位係馬桶上方嘅劏房 香港快餐店成為露宿者之家 好多人稱麥難民嘅露宿者以麥當勞為家 香港live House逐間倒閉因為貴租 中環backstage不能倖免最後做唔到 特首老婆係愛國青年軍嘅總司令 話唔定梁振英正積極培養港產紅衛兵 佢話自己權力來自中央所以地位超然 最抵死係佢身邊嘅官員聽到後反應愕然 超然特首Facebook朋友中有AV女優 我明白老婆咁嘅樣你自然會想網上交友 基本法話香港有出版自由就係人都知 咁點解特首係施政報告點名批評校園雜誌 我想問逼Puma刪除D7689張圖嘅藍絲 係咪以後都即係數唔可以用6789呢幾個數字 梁齊昕今年發生咗多事 首先FB投訴遭家暴母親虐兒 點知拍戲毀約又搞到上曬報紙 原來老豆對導演拍過三级片有歧視 佢再化個鬼樣落老蘭Halloween party 轉身化身正義之士鬧爆拒載的士 跟手自爆媽咪唔係佢親生媽咪 再兜巴摑呢個唔係佢親生媽咪嘅媽咪兩次 纏繞兩年嘅政改方案四月出爐_ 落區唔落車堅離地嘅宣傳不如唔好做 既然中央對政改態度企硬寸步不讓 咁你想香港市民袋住先都只係妄想 建制派表決前拉隊離場要等埋發叔_ 結局大比數否決劉皇叔無啦啦中伏 雖然否決政改香港無人成為贏家 但係我地更加唔願意被溫水煮蛙 啟晴邨未來應該會有好多iron man 因為食水含鉛量 超標到得人驚 有官員話來拉均一生飲鉛水冇影響 __吳亮星話飲鉛水會延年益壽 係咪太智障 _林鄭指 逼人飲鉛水係屈辱官員 難道香港市民飲嘅水又應該含鉛 第三條跑道嘅空域問題仲未解決 就已經大嗱嗱千幾億幫香港人大出血 高鐵不停超支事件已經夠曬痴線_ 最危險係到而家仲未搞掂一地兩檢 政府廣告話小朋友要有時間嬉戲 又推行TSA搞到細路變考試機器 吳克儉TSA公聽會又唔出現 市民訴求擺埋一邊 去日本食個放題先 小四女學生係立法會表示考TSA好開心 負責寫稿嘅爸爸隱瞞自己係民建聯身份 局長一個月睇30本書能人所不能 不過睇得書多又唔代表佢有學問 港大校委嫌陳文敏_無博士學位係手 話有校委跌親冇show sympathy冇人問候 如果做副校長嘅資格要識問候咁荒謬 咁等我用四字成語問候你盧寵茂 李國章出任港大 校委會 主席 恐怕港大嘅學術自由已經危在旦夕 真正創作人點會支持_版權修訂條例 網絡23條只係想將網上言論自由箝制 政府上載喜歡你都觸犯_版權修訂條例 連政府都犯法你就知條法例係幾易中計 雖然Wyman林夕話隨便改佢哋嘅詞冇所謂 但政府一樣有權憑法例搞到你一身蟻 感謝聽緊呢首歌嘅每一位 沉澱咗兩年馬米今年全面回歸 全新嘅嘅音樂配合全新嘅班底 你哋_期待咗兩年嘅新專輯即將面世