日仔頭出來時好天氣看著真歡喜 田園的稻穗啊規片真飽滇 逐家相招落去田底快樂欲來割稻穗 抱著稻穗行到摔桶邊 一懸一低摔著稻穗 摔碰摔碰摔摔碰碰彼個聲音 伴阮唱著快樂的歌詩 頂丘割了是割下丘稻草滿田園 有人咧抾稻穗抾甲頭犁犁 大家打拼滿身流汗點點滴甲滿田岸 六月天氣當熱的時機 一高一低摔著稻穗 摔碰摔碰摔摔碰碰彼個聲音 伴阮唱著快樂的歌詩 看娘擔來點心頓擔到田岸邊 叫著阮暫歇困食著點心頓 大家食甲喙仔開開看著實在真趣味 食飽點心又閣割稻穗 一高一低摔著稻穗 摔碰摔碰摔摔碰碰彼個聲音 伴阮唱著快樂的歌詩 一桶割了是又一桶今年好年冬 稻仔割了跤手酸日頭漸黃昏 大家轉去洗好身軀相招來去食好頓 若是天光猶原踮田園 一高一低摔著稻穗 摔碰摔碰摔摔碰碰彼個聲音 伴阮唱著快樂的歌詩