作詞：謝銘祐 作曲：謝銘祐 阿發伊借一寡錢 拄著過年 福仔拼入了江湖 離開著伊 天星啊閃閃爍 夜快車石告規眠 茫霧的明仔載 戲拄開始 烏伯仔猶跪咧求 這季收成 若無查甫的這胎 須美欲死 眾神祢湊保庇 即世人有藥醫 命運的風微微 欲吹位佗位去? 無字的籤詩 解袂破日子 以為會跳出來 煞落落去無底深坑 想欲往東 哪會往西 踅玲瓏轉無停若像陷眠 光焱焱的擋佇頭前 誰的走馬燈? 土水兮搶著工課 痟想細姨 放伊去 添仔攢無彼條聘金 眾神祢湊保庇 即世人有藥醫 命運的風微微 欲吹位佗位去? 無字的籤詩 解袂破日子 以為會跳出來 煞落落去無底深坑 想欲往東 哪會往西 踅玲瓏轉無停若像陷眠 光焱焱的擋佇頭前 誰的走馬燈? 二罐晃頭仔 仝鄉燒酒伴 慢慢催予行 話攏藏一半 心臟放予痛 倒予滇 破碎的夢 做一喙予焦 無字的籤詩 解袂破日子 以為會跳出來 煞落落去無底深坑 想欲往東 哪會往西 踅玲瓏轉無停若像陷眠 光焱焱的擋佇頭前 誰的走馬燈?