坐著暝尾仔的彼幫慢車
離開下港欲去台北
提著彼跤烏皮箱
後火車頭無啥人
電火柱邊提一支薰來點
告別細漢陪伴到今的仔店
你的阿爸阿母無來送
怹佇廳裡坐規暗
佇公媽頭前點三欉清香
祈求此去一路攏平安
火車火車吱吱叫
窗外的月娘輕輕仔笑
風景一幕一幕一直過
記持也那倒退
火車火車寬寬仔搖
相片內面的伊微微仔笑
載著期待佮希望
載著感情佮思念
坐著透早開的第一幫車
離開下港欲去台北
捾著一跤烏皮箱
月台頂哪會遮濟人
怹講的話語無啥仝
怹從足遠的所在來做夢
厝內的人攏來送
交代凡事就愛照輕重
頷頸這條袚鍊伴著感情的重
這張平安符庇佑此去平安
