起南風的時 若聞著故鄉的味
曬粟仔 烘龍眼 懷念的氣味
盤山過嶺 風微微 心內有酸甘甜
下港來的我 想厝的心稀微
親像無根的日頭花 綴天光轉踅
日頭落山以後 伊的頭犁犁
我是無根的日頭花 透風落雨的暗暝
打落的花瓣隨風去 欲飛去叼
北上遐濟年 常夢著彼節車廂
一站過 閣一站 走揣我的夢
時間和人走相掠 青春已經過去
頭毛猶未白 就聞無鄉愁的味
親像無根的日頭花 日子慢慢阿過
花謝落土以後 揣無根蹛叼
我是無根的日頭花 就算心內反悔
都市的霓虹燈永遠照無 回鄉的路
有一日我的囡仔 問我伊的故鄉佇佗位
我雄雄才覺悟 已經佇遮 落地生根
