我是啥 啥是我 我為啥物佇遮
誰咧等我 誰徛佇遐
想欲揣著頂世人彼个人影
愛翻山過嶺
黑暗中 有人喝 阮這世人的名
看無清楚 著綴伊行
叫是命中注定 煞換來痛疼
哭嘛哭無聲
世事多變像刀劍 緣份是 斷的線
夜夜聽有情人唱著無情的歌
悲歡離合的咒讖 愛閣修練幾世人 才甘願看破
上媠的輪迴 上媠的體會
（幸福快樂若像花 可惜花期遐爾短）
無一點露 無一片雪 會落佇咧錯誤的土地
上媠的輪迴 上媠的結尾
（所有美麗的經過 攏是生命送的禮）
夢過愛過 拚過耍過 才有資格講這世人
我來（活）過
猶咧揣 猶咧踅 猶咧飛 青春猶閣賰偌濟
