仲喺可以5個朋友出嚟打邊爐嗰晚 其中有個fd講過 話紐約嘅時間比加州嘅時間早咗三粒鐘 但加州嘅時間並冇變慢 嗰時我聽到第一個反應就係 超 關我咩事呢 又 跟住佢又講 有人廿幾歲大學畢業 但宅喺屋企幾年先搵到份工 又有人廿幾歲創業做老細 不過30歲就死咗 亦有伯伯退咗休65歲先創業 到80歲兩腳一伸交盤小生意俾個仔 有人40歲仲係單身 有人40歲已經抱孫 有人永遠都唔會有40歲 原來世界上每個人都有自己嘅發展時區 有啲fd好似行得快過你 有啲舊同學好似行極都係喺你後面 有啲人好似行嚟行去都唔知去咗邊 其實人人喺自己嘅時區入面都有自己嘅步伐 無話邊個行先 邊個行慢啲落後啲 生命就係等待正確嘅行動時機 Relax啦 總之你喺屬於自己嘅時區入面 一切一切都係準時嘅 聽吓聽吓 咦 我好似未淥肥牛喎