往事若一班火車 每站有人離散
行過青春的海岸 聽海浪在唱歌
歌聲親像講感謝 有緣分才會同車
相依偎 才袂起畏寒
歲月若一張白紙 寫遭遇的變化
起起落落的心情 愛需要用心疼
人講人生風飛沙 飛一山又過一嶺
看孤單 擱再看繁華
牽手就是你叫阮的名
不管前途多歹我毋驚
富有貧窮攏是你跟我 是運跟命
牽手就是阮叫你的名
不管腳步沉重作陣擔
酸甜苦澀 風雨有你 生活有我
這一生散步到這 世事一場煙花
囝仔一暝就變大 為成功去打拼
坐在往事的火車 看歲月這張白紙
你是伴 你是我的岸
一半惜一半痛 牽你的手我知影
幸福就要一針一針車 車出溫暖 感情這件衫
幸福就要一針一針車 車出圓滿 牽手的心聲
