出巡

誠心來發願 用腳步擔領 共心頭掠定 綴祢行 孤身嘛毋驚 有眾人來伴 金烏月娘啊 看阮行 無定的時代 拜請眾神來 為著咱未來 出巡哪 心頭茫渺渺 香煙攑懸懸 虔誠的心願 踅境啊 慈悲的祢啊 衷心的向望 炮仔聲響起保庇啊 天公伯啊祢若有咧聽 阮用全部氣力喝出聲 天公伯啊祢敢有咧看 阮甘願佇遮拼性命 搬山過嶺走揣祢的影 若有聽著溫柔的歌聲 搬山過嶺走揣祢的影 上山落海阮嘛袂驚惶 祢守護的山林 祢看顧的海線 為以後的人哪 攏佇遮 佇遮佮祢行 祢守護的山林 祢看顧的海線 為以後的人哪 攏佇遮 佇遮佮祢行