柴米油鹽醬醋茶
幾粒蛋 幾把菜 幾斤肉
看顧一家人的腹肚 食著新鮮喙笑目笑
雖然料理辛苦 猶原感心快樂
一日三頓 為心愛的親人
認真發展 對外行變做內行
風生水起 將名號催響亮
金銀濟濟趁 財寶滿滿項 的廚房
蒸煮烤滷炸炒煎
幾個爐 幾塊碗 幾雙箸
忍受一路來的火熱 大小粒汗烘油煙的凌遲
維護家的氣味 就有價值意義
有緣做伙 造美麗人生夢
沓沓完成 予氛圍溫暖輕鬆
天搖地動 嘛牽手毋願放
尖尖的米甕 飯菜香香香 的廚房
用心用力 對日時到英暗
滴滴答答 傳聰慧應對萬全
出出入入 捧平安閣啟航
呵咾透街巷 凡事避風港 的廚房
和樂來分享 歡樂來放送 的廚房
