汝是安怎咧哭 豈是落雨了後 風嘛吹水也流 汝閣有啥貨無敨 汝講汝真想欲走 跤踏的土已經袂發草 風雖然咧吹 水雖然也流 啥人知影 落雨是酸阮鼻頭 死貓汝著吊樹頭 死狗著愛放水流 今也的溝仔是閣烏閣臭 虻仔胡神嘛攏擋袂著 死狗仔仔放落去 奐勢著爬起來跳 卡早 山頂有一隻猴 走來山跤 去拄著一隻狗 倆個相招佇溪邊四界走 駇駕一半 猴去跋落溝 狗仔趕緊返去提鉤仔來勾猴 彼是古早古早古早的故事了 卡早若跋落溝 是歡喜賈不得了 摸蚋仔泅水 藏水泌閣卻石頭 歸耶水底芋仔蕃薯攏摸了了 跮踱賈毋知也日頭落山後 給汝講嘿是古早古早的故事了 古早佮今嘛實在真扼咧比較 今也的溝仔 魚仔是稟肚死無夠 汝若毋信 閣加跋落溝 保證毋免兩分鐘著死翹翹 汝看 遠遠彼粒山頭 烏雲若來 樹仔著宓咧走 歸耶山頂的樹仔攏走了了 無某無猴 無花無草 歸粒光嚕嚕 親像吳伯雄彼粒金光頭 愛講耶 已經講了 會凍唱耶 嘛已經唱了了 若是想欲聽耶 也攏總聽了了了 汝甘阿閣想欲哭 透中罩 汗那流 春成伯仔 益閣佇咧田底掠蟲搔草 （p.s.春成伯仔=我媽媽的爸爸=戴春成） 過下罩 空課濟 跤手無夠 順福仔 是毋是益閣咧巡牛椆 （順福仔=我表哥=四姑兒子） 日落山後 舉柴入灶 …….. 厝頂走來一隻貓 鴉仔吞肚蚓去哽著嚨喉 罔市仔講伊講伊講伊腹度枵 (罔市仔=我爸爸的媽媽=王罔市) 阿滿尚愛哼平埔仔調 迭迭嘛哼賈目屎流 (阿滿=我堂妹=朱淑滿) 阿仲尚愛車畚斗 迭迭嘛摔一咧腳頭烏一凹 (阿仲=我堂弟=朱明仲) 阿泉尚愛哺土豆 迭迭煩惱死後無人給拜豬頭 (阿泉=我表哥=謝啟泉) 阿明尚愛飲乎茫茫渺渺 迭迭燒酒醉行路去梇大柱 (阿明=台南阿明牛肉麵) 此款的代誌 今嘛已經攏袂記耶了了 到底是怎樣 予阮卡想卡想卡想卡想攏想袂曉 …（以下為原詞有 BUT 錄的時候。。。忘了唱進去最後一葩）: 阿舅.阿衿.阿叔.阿嬸.阿姑.阿姨...姑丈.姨丈... 衿婆.嬸婆.姑婆.姨婆...舅公.叔公... 已經攏走.已經攏走了.攏走了了.走了了了... @ 此條歌前前後後寫了2個外月 真奇? @　原來作17多分 被阿達罵得要死 只好......現只剩11分多！