我有一個朋友，伊真有志氣，自細漢著立志，講欲寫歌唱歌趁錢 伊逐工攏咧踍電影，聽阿凸仔的cd 希望有一工嘛會當親像Paul Anka、Paul simon、Paul McCartney 古早古早，無張池去聽著抓狂歌的唱片 雄雄想講是美國仔彼囉黑人咧念歌，結果攏唱台語 台北帝國,民主阿草,阿爸駛計程車傷心無話 愈聽愈爽，爽賈牙槽歪去，愈聽愈爽，爽賈歸眠攏睏袂去 古早古早聽著陳阿明章咧唱彼咧「下晡的一齣戲」 聽了實在有夠感動，四界叫人去買 鬍鬚章 的唱片 有一擺聽著 林強唱彼囉「平凡的老百姓」 伊就給依學起來，自透早唱咯三更半瞑 後來伍佰項蓋沖彼當時，伊就真愛將伍佰的歌改來改去 「浪人情歌」變作「爛人情歌」，「煞著汝」變作「輸袂起」. 連伍佰聽著嘛感覺真歡喜， 若毋是欲提去賣，改來趣味一咧有啥不可以 寫歌的人攏嘛袂遐小氣， 所有的問題，攏嘛出佇唱片公司 伊的吉他若是彈落去，啥麼著放袂記 有時佇北投彼囉茶店仔，有時佇淡水河邊 男男女女老人囝仔狗仔貓仔來來去去，只要會當唱歌，伊就滿足、就滿意 寫一條仔歌咧，食兩嘴仔飯咧； 有時甘那寫來歡喜也，嘛是無要緊 別人寫歌咧趁大錢，伊寫歌煞艱苦過日 別人唱歌咧作歌星，伊唱歌秋風無了時 伊共款笑瞇迷，唱伊甲意的歌， 唱伊家己寫的歌，而已 另日汝若佇著伊， 請汝嘛給拍噗仔一咧，給鬥支持 伊攏會唱講：歡迎來唱我的歌，順煞給人講「歌是我寫的」，我著 祝感謝 歡迎來唱我的歌，汝若唱了有趁錢分一絮阿予我 歡迎來唱我的歌，汝若毋是欲趁錢，故在予汝唱免驚 朋友阿，煩惱遐濟欲創啥，兄弟阿，愈唱愈好額 愈唱愈好額、愈唱愈好… 來唱我的歌(來唱我的歌)、 來唱我的歌(來唱我的歌)、 來唱我的歌(來唱我的歌)、 來唱我的…向前行…啥物攏毋驚…….外好汝甘知！！