上主是我的牧者；我無欠半項。 祂互我倒佇青翠的草埔，導我到清靜的水邊。 祂互我新的氣力，因為祂的名，導我行正直的路。 我雖然經過死蔭的山谷，嘛毋驚災害，因為祢及我同在。 祢的棍、祢的枴互我安穩自在。 佇我對敵的面前，祢為著我擺設宴席。 祢用油抹我的頭殻，斟我的杯到滿出來。 祢的恩典慈愛一定及我一世人做伴； 我欲永遠惦佇上主的厝。 直到永遠。