桌頂的坱埃 予窗外的風吹散
白色的花矸 猶原閣祀佇遐
仝款插著彼欉無聲的牽掛
這規年開的花 攏是思念的形影
門口的孤單 賰歲月佮你做伴
想起著較早 你攏是坐佇遮
定定咧數念 離鄉的囝仔
向望伊的身影 緊轉來佮你看
已經離開 離開了靠岸
請你放心 我會好好照顧我的生活
當初有一份虧欠 藏佇心肝
你是毋是佇故鄉等待我
已經離開 離開了靠岸
思念無聲 我有話想欲講予你聽
總是有一份感謝 囥佇心肝
感謝你牽著我沓沓仔行
你是毋是 會佇故鄉等待我
我已經離開 離開了靠岸
思念的聲 唱出了牽掛
總是有一份感謝 囥佇心肝
感謝你一直將我惜命命
人生有你 我是幸福的囝仔
日頭若落山 就會想起你喝著我的名
