郭：兄弟　有風波我隨到位 　　兄弟　拄著啥代誌莫來放棄 　　有需要鬥相共　著做你開喙 畢：兄弟　莫閣想遐不如意 　　兄弟　毋通來鬱卒無歡喜 　　做伙來面對　我跟隨 畢：免驚來拖累　互相來相為 郭：咱鬥陣　唱的歌　蹔的攤　攏予焦 　　全部知影　話免講起 郭：你是我的兄弟　經過遮爾濟年 　　咱關係　像鐵拍的袂失去 畢：你是我的兄弟　阿沙力袂來推辭 　　你是我永遠　永遠　永遠的兄弟 郭：嘿　忽然間　雄雄　來想起 　　拄仔熟似的時　盤撋　的日子 　　你我　認真拍拚　鬥陣鑠奅 　　同齊拭汗　啥攏毋驚　寫著青春的一頁一頁 畢：雖然有當時　你真歹扭搦 　　佮你相處我確實　有把握 　　莫講遮濟　脾氣莫閣蓋硬 　　毋驚予人講話咱的心是家己的 郭：免驚來拖累　互相來相為 畢：咱鬥陣　唱的歌　蹔的攤　攏予焦 　　全部知影　話免講起 畢：你是我的兄弟　經過遮爾濟年 　　咱關係　像鐵拍的袂失去 郭：你是我的兄弟　阿沙力袂來推辭 　　你是我永遠　永遠　永遠的兄弟 郭：無論困難有偌濟　共挑戰拚到尾 　　我知偌爾烏偌爾苦　莫來荒廢莫來浪費 畢：只是一時來迷失　合：提出勇氣改變自己　告別過去 郭：兄弟　你是我的兄弟　經過遮爾濟年 　　咱關係　合：像鐵拍的袂失去 畢：你是我的兄弟　阿沙力袂來推辭 　　你是我　合：永遠　永遠　永遠的兄弟 畢：兄弟　有風波我隨到位 郭：兄弟　拄著啥代誌莫來放棄 合：你是我永遠　永遠　永遠的兄弟