拍開天窗的鎖匙 詞曲 亦辰兒 編曲 黃晟翔 走佗覕 無暝無日 毋知幾擺 想欲放下過去 雙手滿滿的堅疕 面強欲搧甲歪去 為啥 為啥鬼怪上身 啊 清芳的花蕊 是遐爾美麗純淨 一暝的糟蹋 暗淡矣 強欲凋零去 嘛捌紅艷的花蕊 逐暗盼露水滴 希望有一日 揣著拍開天窗的鎖匙 彼日熊熊 壓身軀頂 怎樣予白賊言語逼甲袂喘氣 罩著一片片的烏陰 有誰會當 真正發覺 毋敢講出喙的彼个秘密 將伊搝出萬底深坑 啊 軟弱的花蕊 如今嘛失去元氣 拗黃的青春按怎度未來的日子 伊望天開一个縫 落清涼的雨水 敢有彼一日 淋過滿面必巡的空喙