作詞：詹傑 作曲：王希文 泰雅族族語指導：Pawzi Yukih 老師／特別感謝：游以德、黃嘉文 註：Blaq mita' sa 'san su' (泰雅族語：小心腳步，也有祝福平安之意) いらっしゃいませ 住址敢好揣 佇遮咱有聖經佮歌詩來交陪 我坐檯你免歹勢 管事的是天頂頭家 今夜你免酒醉 咱來聽你講心內話 いらっしゃいませ 毋免亂亂踅 佇遮咱有體貼佮祝福來做伙 我坐檯你免頭犁犁 管事的是天頂老頭家 今夜你免使目尾 咱來聽你青春按怎過 沓沓仔 沓沓仔行 沓沓仔 沓沓仔聽 你的阿母徛佇山嶺 遠遠咧喝聲 Blaq mita' sa 'san su' いらっしゃいませ 人客加一个 佇遮咱有糖仔佮果子來四配 我照顧囡仔袂使性地 疼惜的是天頂頭家 今夜你加幾若歲 咱來聽你做媽媽的改變 沓沓仔 沓沓仔行 沓沓仔 沓沓仔聽 你恬恬看著查某囝 輕輕咧喝聲 Blaq mita' sa 'san su' 嫁來這个無翁的城市拍拚 總算揣著伴 故鄉的景緻 藏佇夢底 思思念念 敢攏無變化 沓沓仔 沓沓仔行 沓沓仔 沓沓仔聽 阿母徛佇山嶺 頭毛予月娘染白 故鄉路愈行愈遠 沓沓仔行到底 越頭看 原來我一直佇遮 滿山片野 花蕊唱出春天的歌聲