作詞：MC JJ 作曲：游怡婷 / 王希文 袂當公然採蜜的蜂 三更半暝閣佇花欉 花欉燈光暗淡 是靈魂內底無出口的空 拍開光映映的花欉 有驚惶包裝空虛的採花蜂 證件提出來 證明你清清氣氣的一世人 花蕊逐暝用酒精咧淋 淋出胭脂崁袂牢的空縫 興到一半的採花蜂 猶閣睏佇袂赴回魂的青春夢 山頂的動物攏真可愛 為著生存咧相刣 善良的心意絞做伙 絞出險惡的社會 無人佮意為難啥人 咱攏是孤不而將咧勞動 證件提出來 欲按怎證明你清清氣氣的一世人 花蕊逐暝用芳水咧崁 敢是花期已經無希望 醉生夢死的採花蜂 蜂岫內底敢猶閣有心愛的人 隨人有隨人的都合 行到尾路攏是無尾巷 隨人有隨人的向望 望到貼底目箍已經紅紅紅 隨人有隨人的疼痛 只賰悲哀逐家攏相???? 證件提出來 啥人有法度證明 伊清清氣氣的一世人