作詞：左光平 / MC JJ 作曲：李竺芯 天色愈來愈暗 心情是愈來愈沉重 徛佇無情街巷 等待城市迷茫 敢有啥人 來鬥相共 較早開市 罔趁食鹹 我嘛知影 一人煩惱一項 毋過逐工起床 汰會遮爾絕望 汰會按呢 汰會按呢 每一頂眠床 攏有無仝款的夢 我敢是一生注定做戇人 就是無才情 毋才毋敢夢 天真是袂當倚靠的海港 連欲怨嘆 攏毋知 欲怨嘆啥人 月娘愈來愈紅 尊嚴是愈來愈暗淡 我嘛知影一人煩惱一項 毋過逐工起床 汰會遮爾絕望 汰會按呢 汰會按呢 每一頂眠床 攏是欲予人放鬆 我的床 汰連空氣攏遮爾重 一个孤單人 性命毋願放 過去是束縛靈魂的磅空 連欲怨嘆 攏毋知 欲怨嘆啥人 每一隻蝶仔 攏有無仝款的夢 啊若我 希望斷翼彼一工 會當予人埋佇 夢中的山頭