花 猶未開就蔫去 怹早就下了定義 女有所歸 埋佇塗跤內底 是花 以後攏毋驚啥物風雪 但是啊但是 伊毋知欲轉去佗位 咱攏無一个通喘氣的所在 一切早著註定 在生守德 祝福予伊 咒讖也予伊 伊行佇袂回頭的路上 花 猶未開就離枝 怹早就下了定論 結婚有後 埋佇塗跤內底 是花 岸邊的塗又濕又冷 總算 彼濟年的春天佇這工結束 咱攏無一个通歇睏的所在 攏是八字命 死後守貞 向望予伊 怨恨也予伊 媽媽叫伊轉去 毋過彼塊柴箍牌仔 彼塊柴箍牌仔囥袂落一個个伊的名