【Chorus】 哎呀哎呀 我無做 你也無講 這馬是 進 也無步 退 也無路 若硬 啊欲講 嘛無啥物好講 人生分幾若種 幾若種狀況 【Verse1】 譬如講隔壁彼个哥仔 輸筊輸甲佮人借矣 人攏毋知走去佗矣 講來 真正可惜矣 三十捅歲矣 有某有囝 若講著伊能力 彼是正港有影 會讀冊肯拍拼 年收破百無啥啦 煞沐著跋筊 哎 無彩啦 閣來看樓頂這位 おっさん 為囝仔操煩規世人 這馬因為錢無法度聯絡 規工踅踅踅踅 踅踅踅踅唸 懷疑家己無效 家庭佮期待無相???? 較早是按怎按怎 這馬煞按怎按怎 應該愛認真賺食 照顧爸母某囝 啊毋過無人聽伊講 因為因見講攏講這種 囝仔有囝仔的夢佮理想 伊只好家己 對伊家己講 【Chorus】 哎呀哎呀 我無做 你也無講 這馬是 進 也無步 退 也無路 若硬 啊欲講 嘛無啥物好講 人生分幾若種 幾若種狀況 【Verse2】 對面的媠姑娘仔 皮膚是白拋拋幼綿綿 若講偌濟人咧追求 毋是幾个 是規陣 Instagram 拍開信息回攏回袂了 但欲按怎照顧好家己 伊一直學袂曉 大學畢業交男朋友 逐項禮物攏大牌子 為著幸福來規畫 婚禮辦到朋友攏欣羨 無想到二十八 著離婚 伊講 因翁變了真濟 伊的隔壁這馬 蹛囡仔叫阿明 古錐古錐 喙真甜 佮意看尪仔冊 拍籃球 大漢想欲賣咖啡 聽班裡上好的同學厝內著是開咖啡 廳 毋管發生啥物代誌因爸攏會來幫伊處理 阿明共我講 伊若有老爸 無人敢閣欺負伊 我講無要緊 啥人閣白目 阿叔一定予伊知死 【Chorus】 哎呀哎呀 我無做 你也無講 這馬是 進 也無步 退 也無路 若硬 啊欲講 嘛無啥物好講 人生分幾若種 幾若種狀況