大樹
作曲：謝明諺
作詞：鄭順聰
學校的音樂老師，教阮唱菩提樹；樹欉我毋捌看過，風吹來開喙就唱。
彼工我行到公園，真好運拄著伊；樹影清涼閣清幽，心遐爾媠的樹葉。
歡喜相招好朋友，樹仔跤樂悠悠；同齊𨑨迌手牽手，做眠夢彼款親像。
夢有苦澀有甜蜜，像人生的詩篇；無論束縛抑自由，有朋友就無憂愁。
落尾才知歌所唱，事實毋是菩提樹；好朋友攏走散去，賰我戇戇佇遮守。
冬天過了春夏秋，時間無法度倒流；樹欉猶原徛佇遮，心形的樹葉幼幼。
我有單純的目睭，風吹來歌就唱；心情全然無相仝，望你大樹來保佑——
有大樹就無憂愁。
版權聲明：未經著作權人書面許可，任何人不得以任何方式使用（包括翻唱、翻錄等）。未經授權，本作品禁止用於人工智慧（AI）的訓練、模仿、學習、生成等相關活動。
