作詞：打狗亂歌團 作曲：打狗亂歌團 戲棚仔下 鑼鼓適煞 流浪兮戲班仔 歇中晝 囝仔人 白目猴 上愛爬去戲台頂 車畚斗 車過東車過西 是欲車到民國幾年 幸福才會來 彼邊山連到這片海岸 日頭率咱 唱出有仰望兮歌 唐山公牽著平埔媽 在地新來兮 共行共心肝 東南派 西北派 咱置台下作陣喝聲 揮目屎 民主阿草顧腹肚 為公平 為正義 出來行街路 行過風 行過雨 是欲行到西元幾年 台灣才有出路 打開一個香火袋仔 頂面繡台灣 內底藏平安 收集有氣力兮溫暖 予咱兮囝仔變勇敢 打開一個 香火袋仔 將幸福兮記誌送予每一人 只要打拚咱就無怨嘆 咱兮價值就是 Made in Taiwan 電子花車鋼管秀 現代兮藝術是比穿少 照三餐 電視練痚話 全民來開講 Call in 愛台灣 愛台灣 愛台灣 台灣乎你愛到頻頻喘 我一粒豬心 想要送予你來燉 希望你 了解 我欲跟你站同邊 濕兜哩布 藝術舞蹈 來 太子爺搖尻川髀 腳踏風火輪 追紙風車 319個鄉鎮行透透 欲行向全世界兮入口 跳予高 跳予高 予阿兜仔擘開眼睛看台灣 打開一個香火袋仔 頂面繡台灣 內底藏平安 收集有氣力兮溫暖 予咱兮囝仔 變勇敢 打開一個 香火袋仔 將幸福兮記誌送予每一人 只要打拚過就不怨嘆 咱兮價值就是 Made in Taiwan