走街人生 Tumbleweed Days 口白︰是呀！我還活著這個世間。為著找尋心愛的雷夢娜，阮放棄了一間五金行主任的頭路，千山萬水，四界走唱、流浪。身邊只有這支吉他來陪伴我，走二步退三步，莫怪阮越行感覺離伊越遠。啊！繁華的夜都市，愛情的青紅燈，雷夢娜！你在佗位啊？ 猶原是這個所在 每年總是愛來好幾回 故鄉的阿伯仔問阮佗位來 引阮滿腹無限思鄉的無奈 孤單來到南都街城 日頭笑阮走街的命 囝仔的影鬧熱的聲 是安怎阮那會找攏無啦 口白︰張先生，阮實在真後悔，彼一年沒將你送乎我的那蕾花，丟入去虎尾溪，害你歸身軀乎雨沃甲溼糊糊。如今，阮已經是三個囝仔的媽媽嘍！感謝你，為我沃雨，為我所作的一切，祝福你。 稀微的路燈無情 照在阮毋甘離開的心 淒涼的北風問阮甘知影冷 害阮一時找無衫褲通來穿 孤單站在戲臺面頂 月娘笑阮目屎滿面 唱的有情聽的無心 這就是阮走街的人生 口白︰彼一天，阮在報紙的警告逃妻欄，看到妳的名。原來，妳的婚姻，並無幸福。啊！攏是無情的命運來戲弄，害妳我無法度完成彼段純情夢。現在，對你的愛，猶原同款，就親像咱故鄉的一條虎尾溪水，慢慢呀流，一生也講未了啊。