唱遊課《童謠組曲》 緊來阮兜宓 Vocals／新學士成長園大二班。指導老師／紀美月。 風啊風 一直吹 雨啊雨 一直落 樹仔花蕊濕漉漉 狗仔貓咪走無路 緊來阮兜宓 才未予雨沃駕冷吱吱 緊來阮兜宓 才未感冒發燒流鼻水 大近視 Vocals／新學士成長園中二班。指導老師／陳秋金。 大近視看尪仔冊 行路撞著一個老阿伯 真失禮 唉唷真歹勢 我真正不是故意的 大近視看尪仔冊 愈看愈入迷 不小心撞著電火柱 摔一個紅龜粿 田蠳 Vocals／新學士成長園中一班。指導老師／許怡芬。 田蠳 田蠳 矻矻飛 你到底欲飛去叨 這停一咧 啊 遐停一咧 害我追來追去追來追去憨憨迺 田蠳 田蠳 呀呀飛 你是嘸是真愛花 啊 這蕊親一咧 啊 彼蕊親一咧 一點兒攏未驚歹勢 風吹 Vocals／新學士成長園大二班。指導老師／紀美月。 天頂的風吹 和白雲在講話 風吹和白雲 位我的頭殼頂飛過 天頂的風吹 和白雲在講話 伊講伊有一寡代誌 一直想欲作 伊講伊想欲飛去山裏去看花 伊講伊想欲飛去田裏吃西瓜 伊講伊想欲飛去海裏去抓蝦 伊講伊想欲飛去市裏去迺街 風吹著風吹 風吹著風吹 你是一隻快樂的風吹 天頂四界飛 風吹著風吹 風吹著風吹 我嘛想欲飛去天頂 和你作陣飛