舞：人醜怪父母 命歹怪政府
頭殼歹怪歷史 啊若起毛歹 咱來黑白舞
運歹怪民主 路歹怪選舉
一陣孤臣出孽子 啊時機歹 是誰咧黑白舞
黑：黑心的商品是滿滿是 黑手愛出國才賺有錢
黑道甲政府咧ＢＯＴ 黑密碼的社會攏袂好天
白：白癡的頭家伊不識字 白賊的笑容是真歹治
白目的歸陣攏上電視 白色的蚼蟻才來抗議
舞：人醜怪父母 命歹怪政府
先生歹怪弟子 若起毛歹 攏來黑白舞
運歹怪廟宇 路歹怪駕駛
三兩貓咬四斤老鼠 這台歐兜歹 愛擱騎外久
黑：黑暗的社會找無頭路 黑西的行情愈來愈粗
黑市的人肉生意足好 黑面的包公你是死去叨？
白：白白布乎人染到黑 白菜一斤愛幾落十箍
一粒頭攏白頭毛 白帖子一疊甘會孝孤？
舞：人醜怪父母 命歹怪政府
身體歹擋袂久 啊若姿勢歹 歸去黑白舞
人醜怪父母 命歹怪政府
景氣歹歹太久 林北起毛歹 是恁咧黑白舞
