阮住佇艋舺 正港的老台北 凱達格蘭族所講的小船仔 生理人 位清朝開始來到這 商業大城 頂港有名聲 同安 三邑人 不時相拍相嚷 一屏拜城隍 一屏拜青山王 頂郊下郊搶地盤 殺甲掠狂 煞去牽拖著 安溪的祖師公 港仔尾 是阮生長的角頭 西園國小 萬中 是我的母校 麻竹豆菜 品質乎人會頓頭 加蚋仔公學校 野球是上介敖 老師常常跟阮講東區較進步 人的囝仔三不五時就出國去憩陶 阮同學 逐工下課攏去廟仔憩陶 人佇補英語 尹佇陣頭學撞鼓 一府二鹿三艋舺 台北的起頭就佇這 時代按怎變化阮無佇驚 帶著傳統文化向前行 民主聖地的稱呼 阮感覺驕傲 Nylon先生佇這 發起綠色行動 政治犯的血 蓋佇溪邊彼堆土 人權絕對袂當擱行回頭路 都市翻新 紅瓦厝變作大樓 舊地圖跟廟會界定古早的庄頭 過去冤仇化解佇咧大拜拜 早就無人佇計較 誰慢到誰先來 現主時的艋舺大道 古早是鐵枝路 日本式的老車頭 已經尋無 大理街的店仔攏佇賣衫仔褲 社區意識 保存了老糖廠的倉庫 阮第一擺的唸歌表演佇西門町 巷仔內壁面 藝術家的噴漆作品 電影公園內底DJ放著老唱片 B BOY尬舞 隨時攏會當開始 一府二鹿三艋舺 台北的起頭就佇這 時代按怎變化阮無佇驚 帶著傳統文化向前行 WE LIVE IN 艋舺 BABY 台北的BROOKLYN BABY WE LIVE IN 艋舺 BABY 台北的BROOKLYN BABY 誰講台北城 攏無人情味 歡迎來這 走尋古城的滋味 青年公園 聽三叔公唸歌詩 龍山寺口 跟歐吉桑講政治 老社區的價值 等阮來發現 無是一直起新厝 較叫作發展 文化的資源 乎人會欣羨 大聲講出我是艋舺人 毋免歹勢