作詞：武雄 作曲：蕭煌奇 有一篇古早的報導你敢有看　 最近真濟人又擱咧問我　其實當初我嘛感覺足頭痛 有人講未來我會當看一半　 不是事實嘛有人相信甲　但是我知彼是因為愛護我 人生這款物件　算來是無聲擱無影　 認真的人啊　總有天來疼 不管會發生啥變化　若是你繼續擱愛我　 任何的打擊已經袂當改變我 路若無好行　你有陪我行　陪我做陣打天下 天若無咧看　你有幫我看　啊世界愈來就愈闊 心若有夠大　夢就有夠大　憑我家己的條件 隨在伊命運安排　繼續認真打拼　愛就不免驚 其實我每工洗面嘛攏照鏡　 面對一切嘛猶原歡喜甲　是非黑白我心內家己嘛有感覺 無論我未來敢正經看會破　 有你一直關心愛護我　一聲感恩感謝謝謝魯力啦 人生這款物件　算來嘛袂當煮來吃　 想貪的人呀　敢有卡熬贏 不管會發生啥變化　若是你繼續擱愛我　 任何的挑戰講來攏嘛無算啥 路若無好行　你有陪我行　陪我做陣打天下 天若無咧看　你有幫我看　啊世界愈來就愈闊 心若有夠大　夢就有夠大　憑我家己的條件 隨在伊命運安排　繼續認真打拼　愛就不免驚 甲我作伴　愛就不免驚（愛就不免驚） 甲我作伴　愛就陪我行（陪我做陣行）