作詞：謝銘祐
作曲：蕭煌奇
又一日無閒煞 日頭落山 雄狂的日子攏無踏擋仔
衫一脫茶一啉 哼一首歌 我偷學你的形影
孔明車載著我 微微的風 沿路講少年的懵懂賭強
生活的彼步棋 變化無常 提醒我面對未來 盡量
愛會記查甫人像海像山 有度量有かた(肩膀) 啥攏毋驚
雨那潑日那曝 愛弓佇遐 夯起一家 用一生來擔
疼惜的心內話 你罕咧講 你嘛知我種著你的倔強
爸仔囝即杯酒 緣份種種 我予焦 你斟淡薄 盡量
愛會記查甫人像海像山 有度量有かた(肩膀) 啥攏毋驚
雨那潑日那曝 愛弓佇遐 夯起一家 用一生來擔
疼惜的心內話 有時著講 平平是查甫人攏會體諒
爸仔囝即段情 緣份種種 牽外長 攏交予天 盡量
