電火莫共點著 啥物攏毋免講
真久毋捌 聽你喘氣 遐清楚
樹頂孤葉 放棄抵抗 被風掃落土 心內有數
綴無著的腳步 走散佇雙叉路
無仝速度 無仝方向 無結果
上驚為著 慣勢倔強 才來放袂落 互相擔誤
再會啦 相倚的寂寞 生疏的溫度 無準時的約束
當初的快樂 如今的酸苦 是愛過留落的記號
希望一个人祝福 兩个人幸福 這陣大雨來了當拄好
再會 寂寞
毋是誰的錯誤 結束親像平常
咱攏袂記 花開花落 愛看顧
若有悲傷 若有勉強 若是放袂落 是我毋對
再會啦 相倚的寂寞 生疏的溫度 無準時的約束
當初的快樂 如今的酸苦 是愛過留落的記號
行回一个人的路 換一个笑容 這陣大雨過後擱重逢
再會 寂寞
