風真大，吹來陣陣船螺聲，是誰離別在今夜 一對戀人，毋願拆分散，抱佇 港邊難分難捨 海外大，看過的人才知影，浮浮沉沉是驚惶 行船的人，有飄撇的名，其實攏是用命咧博 再會故鄉美麗海岸，陣陣波浪鑽入心肝 失落的地平線，剩離航彼條海風的情歌 暗示漂浪的人，注定的孤單 討海討夢討著生活，受風受雨流血流汗 毋管天大地大，只要有這條暖暖的情歌 做我回航指引的燈塔 天外大，只有舉頭金金看，想你就唱這條歌 心愛的人，啊請你保重，靜靜等待愛你的我 希望早日滿載，回鄉甲伊做伴，夜夜唱著思念的歌聲