現代社會真繁忙　每日無閒走西東 假日毋知欲去佗　郊外攏是人(ke)人 我有一個好所在　想欲報予大家知 假使你若無棄嫌　搭就較緊隨我來 踅花市　看花栽　花蕊生媠人人愛 竹仔清高是君子　菊花大範有氣派 也有人講搖錢樹　厝內若是加減排　 啊～就會大發財 現代生活無輕鬆　無暝無日若眠夢 假日毋知欲去佗　厝內嘛是真偓促 我有一個好所在　想欲報予大家知 假使你若有興趣　搭就較緊隨我來 踅花市　看花栽　修身養性無敗害 含笑清芳是少女　金針代表是母愛 若是送人玫瑰花　表示對伊有意愛 啊～免講伊就瞭解 踅花市　看花栽　修身養性無敗害 含笑清芳是少女　金針代表是母愛 若是送人玫瑰花　表示對伊有意愛 啊～免講伊就瞭解　啊～免講伊就瞭解