會過西螺橋　袂過啊虎尾溪　會曉談戀愛　袂曉來講情話 心內咇噗彩　不知欲講啥貨　親像嘿藏鏡人　不時嘛頭犁犁 會過西螺橋　袂過啊包公廟　會曉談戀愛　袂曉來認毋著 心內咇噗彩　欲講嘛驚人笑　若拄到包大人　頭殼就(mooh)咧燒 會過欸西螺橋　袂過是古坑　會曉談戀愛　袂曉來治相思 心內咇噗彩　歸暝咧睏袂去　親像咧啉咖啡　較苦嘛當做甜 會過彼個西螺橋　袂過啊劍湖山　會曉談戀愛　袂曉來唱情歌 心內咇噗彩　目睭咧金金看　親像坐摩天輪　又愛閣又驚驚 會過西螺橋　袂過咱朝天宮　會曉談戀愛　袂曉來較緊衝 心內咇噗彩　無彩我一尾龍　拜託媽祖婆　保庇阮緊做新郎