伊將警總改成海巡部減弱威權氣勢
予執行白色恐怖的力量全面來撤退
建228紀念碑代表政府向每一個
受難者以及每一個家屬公開會失禮
大學生抗議萬年國會
伊將立法權還予人民土地
毋是黑白派戰車鎮壓控制
總統直選再推動落去
中共飛彈危機伊嘛無倒落去
閣予第七艦隊對台海通過
伊修憲六擺而且將軍隊國家化
廢除臨時條款動員戡亂到遮煞
頭擺和平政權輪替嘛是由他推動帶領
寧靜革命無流血改變台灣運命
伊走後電視免放黑白訊號 學生免跪路邊哭
妞照泡舞照跳 甚至袂爽伊嘛可以撟
這寡成就 因此 人攏叫伊民主先生
另外嘛是有人叫伊台灣之父
化做千風共 大霧攏吹散
吹過你的島嶼 你的囡仔
你講永遠佮台灣做夥 骨灰掖玉山遐
你閣講台灣啊欲交予恁啊
伊日本時代出世 捌自認日本皇民
捌相信共產主義 加入去共產黨裡
捌佇國民黨認真 甲權力上懸頂
伊試過台灣人民 所有可能的選擇
到最後伊帶領咱揣著咱是啥物人
原來咱有這個選項 沒錯 咱就是台灣人
包袱再沈重 嘛欲共台灣悲哀總解決
一生信念 予台灣變台灣人的台灣
伊可比摩西帶領咱脫離奴隸行向自由大路
風起雲湧猛虎毒蛇伊猶原勇敢行大步
就算咱離應允之地閣有一大段的路途
但有一工咱一定會建立咱的迦南樂土
欲講啥的離開 代表一個時代煞
若遐有歷史意義的話無人比伊較合
目屎趕緊擦擦 煞落來換咱繼續拼
未來的台灣就交予阮 阿輝伯辛苦啊
化做千風共 大霧攏吹散
吹過你的島嶼 你的囡仔
你講永遠佮台灣做夥 骨灰掖玉山遐
你閣講台灣啊欲交予恁啊
