黑白來新聞 2

繼續來報導黑白來新聞。 台南鹽水消息： 上國下虔大法師佇今年度情人節的超渡愛情法會去予癡情俱樂部的理事長柏諺仔看著伊硞木魚的技術已經達到爐火純青、登峰造極的境界，所以特別聘請伊來屏東開班教課。咱若是對著硞木魚有興趣，想欲佇厝超渡失去的愛情，或者是對著新戀情欲來誦經念咒加持的朋友，歡迎前往屏東報名。癡情俱樂部的地址是屏東縣萬金村厝尾頂路無半巷１號。