廣告時間

燒酒欲斟，目睭愛繩，若無揀牌子黑白飲，毋但人會無精神，行路顛顛重頭輕，隔工閣會烏暗眩，頭殼袂輸千外斤。 來～正讚的報你這味，宏大威士忌！天然純手工尊古製法，內底無防腐劑無調味劑無味素無色素閣無酒精，你若一喙規罐飲予焦保證嘛袂按怎，宏大威士忌愈飲愈Ｌｕｃｋｙ，飲濟袂醉，愈飲愈清醒，閣兼健脾顧胃強壯腰子，芳、甘、醇、厚、好落喉。欲買愛認明包裝外口有一個人激屎面為記的才是咱宏大！宏大威士忌！ 飲車無開酒，開酒無飲車，宏大威士忌關心你。