離開熟識個所在 離開屋家個親人 離開隔壁個鄰舍 還有共伴個朋友 離開靚靚個風景 離開屋前個大紅花 離開屋背個牛眼樹 還有路脣個油桐花 離開好聽個聲響 離開屋簷下個屋簷鳥 離開禾頭下個禾嗶仔 還有電線頂個阿啾箭 想愛轉去 夢中 阿啾箭個招喚 (一聲過一聲) 想愛轉去 夢中 大紅花個招喚 (一擺過一擺) 想愛轉去 夢中 屋家人個招喚 (一年過一年) 嗚 離開，想愛轉去 離開個路 係緊行緊遠 想愛轉去 目前緊來緊模糊