我 活踮家己的世界
我 時常感覺非常咧無奈
漸漸遠離人群 慢慢疏忽人際關係
開始變了攏沒愛講話 閣有啥人斟酌聽我心內的話
規天攏關踮房間底 只賰筆共紙和我用心咧交陪
日子煞慢慢的變做 寫著內心戲共家己當主角的主題
我想要吼 煞吼袂出來 一心只想欲離開這咧世界
孤單兩字猶原藏佇心肝內
看袂著我的痛 這悲傷的鋼琴聲
無底的深坑 寂寞陪我繼續玲瓏踅
臺腳的掌聲 袂輸敢若咧剾洗我
苦澀的滋味 有啥人在意 落寞的我
孤單唱著歌
羨慕朋友相招出去耍
我煞敢若會使拒絕伊家己來去轉 家己來去轉
家己面對房間彼葩刺目的光
彼台該死的電腦 我的歲月攏予綁票
我想欲離開出走 但夢想煞挈我來講笑
常常咧想 寫出一首歌又閣代表啥物
恬恬咧想 從來沒人問我你甘有要緊
無緊 身在這環境 我需要趕緊
用最快的時間寫出歌曲 沒人知影這孤單的心境
我 無愛講話 換用耳仔斟酌聽
筆 踮我褲底 挈出無奈再次說孤單
思 想咧倒退 一罐啤酒做一次予乾
沒人知這苦楚我 欲哭煞沒聲
我放棄時間踮這咧之間 我到底失去啥
恁攏講了簡單寂寞由我承擔 講不出的痛
家己走踮路頂 人情世事浮浮沉沉
攑頭向著天頂 我的冬天冷冷清清
看袂著我的痛 這悲傷的鋼琴聲
無底的深坑 寂寞陪我繼續玲瓏踅
臺腳的掌聲 袂輸敢若咧剾洗我
苦澀的滋味 有啥人在意 落寞的我
孤單唱著歌
