我欲來唱一首台語歌 將台語的八音唱予恁聽
聲調的懸低是有增差 請逐家綴我來唱予大聲
君滾棍骨 君滾棍骨 群滾郡滑 群滾郡滑
七聲八調 愛唱予伊標準
孫筍舜捽 孫筍舜捽 純損順術 純損順術
古早古早 就流傳到這陣
我欲來唱一首台語歌 講八音的學問是有夠大
歌詞佮旋律若鬥無密 聽起來就會重耽
伊是我的一生 毋是醫死我的醫生
一但若唱對顛倒音 意思就會走精
柳邊求去地 波他曾入時
英門語出喜 咱來學台語
我欲來唱一首台語歌 講八音的學問是有夠大
聲調是隨時會起變化 請逐家做伙來詳細聽
風吹風吹是兩隻風吹 風吹風吹是陣陣風咧吹
風吹風吹是風咧吹風吹 風吹風吹是風吹予風吹
咱攏來唱這首台語歌 將台語的八音唱予逐家聽
歌好意闊 歌好意闊 詞媠字活 詞媠字活
清清楚楚 足有感覺
歌好意闊 歌好意闊 詞媠字活 詞媠字活
好唱好聽 感恩感謝
