咱

應該用啥物款的語言 Eng-kai iōng siáⁿ-mih-khoán ê gí-giân 啥物款的聲音 Siáⁿ-mih-khoán ê siaⁿ-im 啥物款的速度 Siáⁿ-mih-khoán ê sok-tō͘ 配合啥物款的姿勢 Phòe-ha̍p siáⁿ-mih-khoán ê chu-sè 來講出遐个字 Lâi kóng-chhut hia-ê jī 才會當往你來倚近 Chiah ē-tàng óng lí lâi óa-kīn 敢講咱拚命盤過千山萬里 Kám kóng lán piàⁿ-miā pôaⁿ-kòe chhian-san-bān-lí 踏過憤怒佮記持 Ta̍h-kòe hùn-nō͘ kap kì-tî 踏過原本的家己 Ta̍h-kòe goân-pún ê ka-kī 是為著消磨彼此的意志 Sī ūi-tio̍h siau-mô͘ pí-chhú ê ì-chì 你看 遐是規塗跤的血佮肉 Lí khòaⁿ, hia sī kui thô͘-kha ê hoeh kap bah 每一个人 攏失去一部分的夢 Múi chi̍t-ê lâng, lóng sit-khì chi̍t-pō͘-hūn ê bāng 相諍了後 壁總算崩矣 Sio-chèⁿ liáu-āu, piah chóng-sǹg pang--ah 四面空空 後一步欲對佗位行？ Sì-bīn khang-khang, āu-chi̍t-pō͘ beh ùi tó-ūi kiâⁿ 啊～ Ah 欲用啥物款的語言 Beh iōng siáⁿ-mih-khoán ê gí-giân 啥物款的聲音 Siáⁿ-mih-khoán ê siaⁿ-im 坦白啥物款的脆弱 Thán-pe̍h siáⁿ-mih-khoán ê chhùi-jio̍k 分享啥物款的願望 Hun-hióng siáⁿ-mih-khoán ê goān-bōng 你才會 捌我的感情 Lí chiah-ē bat góa ê kám-chêng 敢講咱拚命盤過千山萬里 Kám-kóng lán piàⁿ-miā pôaⁿ-kòe chhian-san-bān-lí 踏過憤怒佮記持 Ta̍h-kòe hùn-nō͘ kap kì-tî 踏過原本的家己 Ta̍h-kòe goân-pún ê ka-kī 是為著消磨彼此的意志 Sī ūi-tio̍h siau-mô͘ pí-chhú ê ì-chì 你看 遐是規塗跤的血佮肉 Lí khòaⁿ, hia sī kui thô͘-kha ê hoeh kap bah 每一个人 攏失去一部分的夢 Múi chi̍t-ê lâng, lóng sit-khì chi̍t-pō͘-hūn ê bāng 相諍了後 壁總算崩矣 Sio-chèⁿ liáu-āu, piah chóng-sǹg pang--ah 四面空空 後一步欲對佗位行？ Sì-bīn khang-khang, āu-chi̍t-pō͘ beh ùi tó-ūi kiâⁿ？ 你看 遐是規塗跤的血佮肉 Lí khòaⁿ, hia sī kui thô͘-kha ê hoeh kap bah 拚命發出聲 煞加添孤單 Piàⁿ-miā hoat-chhut siaⁿ, soah ka-thiam ko͘-toaⁿ 相諍了後 壁總算崩矣 Sio-chèⁿ liáu-āu, piah chóng-sǹg pang--ah 四面空空 後一步欲對佗位行？ Sì-bīn khang-khang, āu-chi̍t-pō͘ beh ùi tó-ūi kiâⁿ? 你敢知影 Lí kám chai-iáⁿ 你敢知影 Lí kám chai-iáⁿ