鼓介合歌滿台前 戲棚台框將阮圍
不知離別跤步倚 望戲團圓值千金
戲籠貯著悲歡離合
毋知拍開 是一面鏡
照出你無閒的身影
像講戲先生教我分離的劇情
五百分的認真 換你五百分的眼神
毋管你搬啥物
我攏是你掌上的千金
車頭的旅客來來去去
毋知欲對佗 款我的行李
先共妳的歌聲做偝巾
思念做車票
一到月台就拆甲心肝碎糊糊
五百分的情意 換妳五百分的回應
毋管去到佗位
我攏是妳疼惜的千金
敢講我的個性太過倔強 再見袂癮講
才予你聽攏無 我的寂寞
敢講是我 澹去目箍 目屎沖走阮笑容
才予你無注意著我的情衷
咧欲煞戲 車嘛欲到位
五百分的回憶 加恁五百分的掛心
將我分做兩爿 送予恁
毋管按怎表示
我攏是恁永遠的千金
踮阮心內 妳是不變的唯一
台跤女兒出台前 回頭望向文武爿
故事未完猶向望 圓滿紲篇靠千金
