看袂著你的形影 只聽著你的聲音
我行入幽冥靈脈 天上⼀日⼈間一年
牽亡的歌 曲 提醒咱愛張持
就驚目睭金金煞袂喘氣
躊躇的魂 ⾏無路 退無步 憑啥物
覺悟的人 用性命 來挽救 來犧牲
希望的光 總是閃閃爍爍 災厄運命紛擾佇眼前
一場流浪的夢 做數百年
求明燈炤⿊日
踏過苦海風湧 降生迷亂紅塵
如今 放下前世的記持 化作慈悲的火引
征風戰水 伴眾生浮沉
看袂著你的形影 只聽著你的聲音
我落入幽冥靈脈 頭眩⽬暗無暝無日
手攑七星 劍 斬妖魔渡魂魄
煞揣無真身走對佗位輪迴
說一聲 感謝
感謝你的成全 千萬毋通感覺虧欠
莫給誓言當作遺願 你負責快活 交予我為難
橫直無才情規氣平平凡凡輕輕鬆鬆
臨時臨曜 顛倒拖拖沙沙離離落落
啥物才是是非 (到底)啥物才是真
⾯頭前傷濟⼤道理 (你)敢袂驚失膽失志
你的 心內傷過開闊 我佇 內面會起畏寒
人掠厝拆無地倚 守護的故事裂掉重寫
