尾頁的歷日 藥櫥仔空虛 免補啥物 一把火燒去 無愛新的記持 我袂閣轉去 就踮你身邊免來苦勸 佇佗位的佗位 有人相信 願望終其尾會成真 毋管欲幾若年 我會種出玫瑰 這片雪下面 有你睏落眠 等你精神 若有花伴你 我穿撆紮的新衣 羞澀半跪 我捌佇夢中重複練習 佇以前的以前 捌有花開 捌有人匪類 毋驚花蔫去 佇佗位的佗位 會有花開 會有人笑伴著淚滴 愛自來有喜有悲 等待嘛是 我已經青瞑 你毋通掛意 敢通扞我 行過冬天 茫茫渺渺時 敢若看著你 伸出倒手空的䆀指 可惜我 可能無氣力隨你去 無邊的白雪 生出玫瑰 發出的枝軁過手指 總算是 袂寂寞 總算你 答應