蜘蛛妹仔 一針一線 車複雜美麗的網 婀娜體格 鳥仔跤 跤步迷人 打開阮的跤縫 一針一線 莫乎阮孤單 一針一線 拆食落腹 狗蟻阿兄 一逝一逝 綴前人跤步在行 勤儉認份 骨力拚 拚一个三頓飽 生食無夠 講啥物曝乾 一逝一逝 腳步不會拖沙 一逝一逝 照起工行 啥物鼎蓋啥物蓋 三六九等 先天註定 蜘蛛虼蚻 胡蠅狗蟻 各人有各人的生活愛拚 佮社會對削 筊若輸 咱就跋大 無死 算阮贏一半 螿蜍老大 一嘴一隻看著就拼性命食 你刺夯夯 鬥贏的較有肉 枵鬼流瀾 規身軀癩疒哥粒仔 一嘴一隻 有毒照常消化 一嘴一隻 核仔脹大 啥物鼎蓋啥物蓋 三六九等 先天註定 蜘蛛虼蚻 胡蠅狗蟻 各人有各人的生活愛拚 佮社會對削 筊若輸 咱就跋大 無死 算阮贏一半 善良敢註定眾人騎 閣愛共人說多謝 奸巧的 爽就爽規捾 朋友五十 親情一百 天公伯仔 攏無一點仔時間觀念 善惡有報 傷慢啊啦 啥物鼎蓋啥物蓋 三六九等先天註定 蜘蛛虼蚻胡蠅狗蟻 有蜜通沐 誰欲搵屎來食 可以認份 袂使認命 可以奸巧 嘛會使烏心肝 反正這个世界 四界攏是漉糊糜仔 反正這个世界