前奏：淋著這陣日頭雨　咱有仝款的溫度 　　　你會共我疼　我會共你惜 　　　毋驚日頭毋驚雨　干焦驚咱傷幸福 自彼日看見你的笑容　毋知家己哪會遮反常 有時陣戇戇　有時陣悾悾　有時陣頭殼敢若揣無路 兩人順著牆圍來散步　雄雄落著一陣日頭雨 淡薄仔冰冰　淡薄仔燒燒　淡薄仔藏佇心內的愛慕 牽手一步閣一步　記持一幕閣一幕 若有話　著緊講　想欲愛　著緊討　咱互相倚靠袂寂寞 管伊好天抑落雨　管伊是冰抑是燒 我會陪你行　你會陪我講　上簡單平凡的快樂 淋著這陣日頭雨　咱有仝款的溫度 你會共我疼　我會共你惜 毋驚日頭毋驚雨　干焦驚咱傷幸福 上驚咱會傷幸福　天攏為咱來祝福　拍勢予人會怨妒