溫柔的風 輕輕吹過百年的酒廠 和我開講的oo-jí-sáng 是酒廠的老員工 少年的時陣搬酒甕 工課真粗重 這馬食甲七十外外外 抑是真勇健 伊講公賣局的繁華年代已經過去幾偌十冬 彼陣逐工鼻著酒的香 心情就輕鬆 時代改變有一工 米酒賣袂行 為著生活 無法度 逐家就拚命灌煙腸 拍拚工課 認真生活 一工過一工 歲月激出上好的酒 一甕又一甕 伊講少年家咱乾一杯 敬百年的老酒廠 我講oo-jí-sáng咱tshāi一罐 敬所有的老員工 伊講伊的心中一直懷抱 一个向望 希望幸福滋味 代代流傳 陪伴所有台灣人 （話無講煞兩个人 已經醉茫茫）