彼年的二九暝 媒人去講親情 恁老爸看我是一个好命囝 放心甲查某囝嫁予我 伊甲妳當作心肝 交代我愛對妳惜命命 訂婚彼日愛打一卡金手指予妳 看好日子隨爆發戰爭 軍隊掠我去做兵 落雪的三月天 行軍幾百公里 來到碼頭上船才知影 欲去台北 我一个人佮一支槍 猶有橐袋仔內面彼卡金手指 耳邊的船螺聲 聲聲透心肝 無人來應我一聲 經過遐濟年 等到滿面抾襇 思念猶佇海上漂流 彼个等袂著的人 彼雙牽袂著的手 彼卡為妳保留的金手指 猶等無人伸手 彼寡問袂著的話 彼粒疼袂著的心 彼卡送袂出去的金手指 猶恬恬為妳咧金 這幾年我已經慼心 嘛探聽著妳的消息 知影妳這馬過著幸福的日子 盒仔內底彼卡金手指 我猶​​​​​​原囥佇身邊