（男）有真濟話無講出喙 囥佇心內敢無要緊 想欲知影妳咧想啥物 毋講話嘛毋聽話 一工到晚親像逐家攏欠妳 （女）因為你無欲聽 規矩一大攤 我有我的想法 我的自由 我的夢 我的世界毋是你想的遐簡單 我欲聽我家己的心跳聲 去感受去生活去交朋友 去冒險 去追求 去傷著心 驚驚袂著等 逐工裝媠媠 毋驚流鼻水 欲做我家己 （女）怪你無瞭解我 共你捒予開開 （男）我毋是刁故意 只是無想欲看妳親像我 摔甲傷痕累累 （女）無想欲看我親像你 （合）若講袂伸捙 哪會知影 你愛我愛到佗 啥物款的愛藏佇心內 毋免講就知 敢講袂伸捙 敢毋知影 過去到這馬 猶毋敢想 若無你 是欲按怎 （女）這馬已經大漢閣回頭看 知影過去你是為著欲保護我 外面的世界遐爾仔粗殘 壓力親像山揹佇尻脊骿 毋過請你毋免閣氣身惱命 我的心肝已經有夠勇健 請你相信我 支持我 鼓勵我 放我飛 （合）若講袂伸捙 哪會知影 你愛我愛到佗 啥物款的愛藏佇心內 毋免講就知 敢講袂伸捙 敢毋知影 過去到這馬 猶毋敢想 若無你 是欲按怎 哈～過去到這馬 嗚～ 敢講袂伸捙 敢毋知影 過去到這馬 猶毋敢想 若無你 是欲按