暗落來个珈琲廳 人去樓也空 演無聲个舊曲盤 倒去幾落冬 誰像阮對七字仔唱到流行歌 逞性四界行徙 偌濟个噗仔聲 嘛揜袂牢孤單 無意中予熟爾个曲調唌來遮 煞毋捌你个名 像作著半醉夢 痴迷到毋知人 假使你來自遙遠个未來/假使遮是黃金色个年代 無需要急欲理解 緩緩感受較實在 光映映个珈琲廳 思慕含清芳 奏著歌个新曲盤 心頭起振動 男女雙雙排作一排 眩甲茫茫顛倒自在 踏破過時个規誡 望向一个袂閣予人束搏个時代 佮你學一段上時行个トロット 予阮个レトロ綴你毛斷个踋步 七十八轉个速度 上好永遠袂結束 刁工佇夜半大稻埕踅毋著路 聽你共新嫣个世紀當作咧講古 行佇三線道 相伴淋一逝雨 時間嘛恬恬仔歇 假使放袂落个偏強袂來/假使尾局無步通佯毋知 無仝調彈出無奈 霆佇平行个所在 記持中个珈琲廳 約束猶難忘 挈佇手个舊曲盤 深刻个願望 音樂回響佇咧心內 勇敢追想仝款期待 捀著咱自由个愛 重逢佇咧會當自由跳舞个時代