作詞：林昶佐、曾冠榕 作曲：林昶佐 孤島頂咱連心海攏揣沒岸 鐵壁內咱連腦門攏拍袂開 教條句句催生完全的麻痺 人人相倚體驗真正的孤單 給拳頭拇攏捏乎絚 義氣相挺頓胸坎 失去的名字要搶轉來 失散的靈魂用恁的命來還 兄弟！給雙手攑起來 兄弟！給勇氣展出來 兄弟！給敵意弓出來 兄弟！給火氣敨出來 硝煙四起陣陣新性命 衝天地超越鐵網 規身軀的血 總會家己焦 雙手展開 戰勝驚惶 孤島頂咱給心海抐甲滾袂煞 鐵壁內咱連腦門嘛給挵乎開 拆開教條暗崁濟年的白賊話 冤仇風火毋通藏佇心肝底 給拳頭拇攏捏乎絚 義氣相挺頓胸坎 失去的名字要搶轉來 失散的靈魂用恁的命來還 靈魂乎鎖牢的性命 無期限活佇這 喊破嚨喉喊破心肝 但沒人願意聽 所有的痛苦足成永遠攏袂結束 所有不公平足成永遠攏會繼續 面對地獄 咱從來毋捌怪世界寡烏 嘛毋捌佇彼咧怪媽祖怨耶穌 但是面對這詛咒 欲按怎抽跤 賰一條路通收續 我會掔汽油彈 硝煙四起陣陣新性命 衝天地超越鐵網 規身軀的血 總會家己焦 雙手展開 戰勝驚惶 阮無愛閣茫茫渺渺毋知要醒 無愛閣活佇強權就是真理的黑影內底 你看你欲徛佇土地也是皇宮大殿 是欲佮阮仝爿也是佮彼大官大腱 你想欲試一咧 我就來佮你配 你想欲作神仙 我就來作精牲 這是我為這世間點的上後一支蠟條 我欲給這個黑色監獄炸掉 劫回咱的自由 規身軀的血 總會家己焦 雙手展開 戰勝驚惶 雙手展開 戰勝驚惶 雙手展開 戰勝驚惶 雙手展開 戰勝驚惶 雙手展開 戰勝驚惶